Sunday, September 21, 2008

दिग्भ्रमित मृगतृष्णा

हरेक दिन नयाँ नयाँ बहानासङ्ग


टायरहरू बल्ने गर्छन्


हरेक रात एउटै छटपटीसङ्ग


जल्ने गर्दछु म



 


छेउ भेट्टाउँदा सकीनसकी टुप्पो हराउँछ


गुजुल्टो भैसकेको पो छु कि


शायद गलती नै गलतीले गाँठो परेको म


 


हरेक दिन चर्को घाममा


मुठ्ठीहरू उचालिने गर्छन्


अनि सेकिने गर्छन् पुर्पुराहरू


हरेक रात शीतल जुनसङ्गै


डढ्ने गर्दछु म


 



अघि बढ्न खोज्दा पैंताला धर्मराउँछ
कुनै गन्तव्य नभएको बटुवा झैं

हिंडिरहेको पो छु कि शायद म


 


हरेक दिन टुक्राटुक्रामा फुटाइन्छु


हुर्याइन्छु यताबाट उता


अनि फेरि उताबाट यता


मैले फुटाएका टाउकोहरूसंग


आफै रून्छु, एक्लै दुख्छु


आन्दोलनको ईंट्टा जस्तो म

आदेश मन्त्रीज्यूको

ढोकाको थाप्लोमा अग्राखको काठमाथि चमचम गर्ने पित्तलको पातोमा टिलिक्क टल्कने अक्षरमा लेखिएको थियो - 'फाइँफुट्टीराज - महाप्रबन्धक, नेपाल ...