Sunday, January 18, 2009

सन्जीवनी तिम्रो स्पर्श

सन्जीवनी तिम्रो स्पर्श
म फेरि बाँचे‌ कि क्या हो

ए, हेर त कतै
फेरि सास त फेर्न थालिनं म
छामेर भन मलाई
चल्न पो थाले कि कतै
मरेका मनभित्र
चाहनाका तरङ्गहरू

ए, सुन त कतै
गाउन पो थाले कि कतै
भावहीन उच्छवासहरू
सुर समातेर
आशाका गीतहरू

ए, नजीक आऊ न
कान थापेर छातिमा
सुनेर बताऊ मलाई
स्पन्दनहरूले मुटुका
साँच्चै पक्डेका हुन् कि गति

ए, भन न मेरो कानमा
होइनन् यी मेरा भ्रमका
बाक्ला कुहिराहरू

दशैका डोबहरु

केही वर्ष अघि नेपाल साप्ताहिकको मेरो स्तम्भ बायाँ फन्कोमा प्रकाशित फेरि एकपटक दशैं आएर गयो।  तर यसपटक दशैंमा दुर्ग...