Wednesday, May 20, 2009

धरहरा

उँचाइकै कुरा गर्ने हो भने
कति अल्गो छ धरहरा
उमेर कै कुरा गर्ने हो भने
कति पाको छ धरहरा

भोगाई, बुझाई र अनुभवमा
सबैलाई जित्छ धरहरा
तर जति जे देखे पनि
मूक बस्ने, तमाशा मात्र हेरेर
न चिन्तन, न मनन
कुनदिन ढल्ने हो भनी
निश्चल प्रतीक्षारत
त्यसैत्यसै ठाडो
निरर्थक उभिएको छ धरहरा

यसको अनुभव,
न कसैसंग साटिन्छ
यसको भोगाई,
न कसैसंग बाँडिन्छ
कुनै अर्थ नभएको भोगाई
अरुको काम नआउने बुझाई
आफैभित्र गुम्स्याएर
उभिरहेको यो धरहरा

जताबाट हेरे पनि तर
ठिग्रिंङ्ग - ठाडो - एक्लो
देख्न त देखिन्छ नि धरहरा


२०६६ जेष्ठ ३ गते

जुम्मा चुम्मा दे दे...

मंसिर २ , २०७४ - मलाई पान खान कहिले पनि मन लाग्दैनथ्यो , अझै पनि लाग्दैन । तर त्यस दिन म नयाँ दिल्लीको रिगल भन्ने सिनेम...