Friday, February 3, 2012

इन्क्यूबेटर र म

म जन्मेको बेला केही समस्या भएर मलाई केही दिनसम्म इन्क्यूवेटरमा राखिएको थियो रे । त्यो बेलाको कुरा पनि सम्झिन सक्ने भए क्या रमाइलो हुन्थ्यो होला ।
तर जे होस् मैले जन्मना साथ राम्ररी रुनु अघि इन्क्यूवेटर भित्र बसेर संघर्ष गर्न सिकेको हुनाले होला आजको दिनसम्म मलाई संघर्षले छोडेको छैन । कहिले आर्थिक कहिले मानसिक…। हरेक दिन हरेक पल एउटा समर खेलेको छु मैले । तर मलाई विश्वास छ, भर्खर जन्मेको बेला त जीवनसंग भिडेर जितें भने अबका लडाईंहरु त तुलनात्मक रुपले सजिलै होला नि ।
यो संसार भनेको पनि त एउटा विशाल इन्क्यूवेटर नै त हो । म त यसको अभ्यस्त छु । अनुभवी छु ।

दशैका डोबहरु

केही वर्ष अघि नेपाल साप्ताहिकको मेरो स्तम्भ बायाँ फन्कोमा प्रकाशित फेरि एकपटक दशैं आएर गयो।  तर यसपटक दशैंमा दुर्ग...